diskutiere

wow das esch au weder einisch en woche xi, geds jo gar ned!
nochdem das ech mis fieber u greppe chli uskuriert ha eschs witergange met IC bring back foers MC oeber 2 taeg hinwaeg u vorbereite foer eusi teamdays in salinas. Yep, mer send weder mol ad beach, zom schaffe u en staercheri Verbendig z schaffe i eusem Team. Naja, Fritig esch guet xi u mer haend super gschaffed, doch am Samschtig semer eifach z spot ufgstande u haend waege dem d haelfti vo de Agenda ned inebrocht. Aber s esch jo im Aernscht au wechtig ad Beach z go om z relaxe.
Ech ha eifach gmerkt das ech nochem IC sone rise Motivation u Energie ha wie die andere das natuerli ned becho haend wo ned am IC xi send. Mer haets aecht nix usgmacht voll doerezschaffe - aber die andere bruchid die Pause u das verston i jo. Bemer vorcho wie won ech vo Venezuela hei cho be u met mim EB losgspronge be. Doch si haend sech imne Tempo foerne 12km Lauf igstellt u i be ir Gschwendigkeit vomne 100m Lauf loszoge. Esch aebe guet setig learning points z ha... Denn am Wochenaend hami genau a das zrogerennered u ixeh das es wechtiger esch a Strand z go u droeber z rede wie mer eus fuehled aus hardcore Sessions doerezzieh!
U das saeubscht wenns am Strand woerkli froesch xi esch. Aeh jo, mer send do im Wenter u s esch nome zwoesche 25-29 Grad! Brrrr (das mein i i vollem Aernscht!)

Im Momaent semer am diskutiere wies sel witergo. Mer bruchid aecht en Loesig metere Onderkonft. Uf d Laengi cha das nix si so wiemer ez laebid i eusne Famelie. Aber eus faehlts eifach a allem! Mer haend kae Gaeud, kae Moebel u dementspraechend begraenzti Moeglechkeite.
Au met em Buero mues oebbis go. Das chas ned si womer ez haend - die schmeissid eim noch Loscht ond Lune use wenn Onterrecht esch oder wie hoet wens am 15.00 zue moechid wel Ferie send. So chamer ned woerkli schaffe. Ech ha so brutal vell z tue - chome aber waeg setigem Zueg eifach ned woerkli effiziaent zom schaffe.
Do mues aecht oebbis go ez! Ufhoere schnore u afo konkret waerde!!

Ah ja, u am Maentig esch denn d Seve u d Simi vo Quito zrog cho u s hed doch no klapped das mer eus xeh haend!
Laeck esch das schoen, mi erscht Bsuech in Ecuador!
Es hed mer so guet do de geschtrig Tag met ehne z verbrenge u Schwitzerduetsch z rede. U am tollschte esch die Diskussion bim Znachtaesse xi! Rechtig, ech hasi provoziert, aber das esch das womer do aecht echli faehlt - die Diskussionskultur! Omso meh hanis geschter Obe gnosse.
Ez muesi au bereits los - mer firid d Abschedsparty vo de Schwizer Girls u en Gebortstagsfaescht vomne Kolleg.
Jep, do geds emmer jenschti Groend zom Fiire!! hehehe

Abxeh vo dem werdid nome mini Hor laenger :-)